मटार-सोलाणे-रताळी कबाब

हिवाळ्यात सगळ्याच भाज्या चांगल्या मिळतात. पावसाळ्यात ताज्या मिळाल्या तरी त्यात पाणी, चिखल असतं. पण हिवाळ्यात तसं नसतं. पावसाळा संपलेला असतो. हवा चांगली असते त्यामुळे रसरशीत भाज्या मिळतात. मटारचे कोवळे पोपटी ढीग, गुलाबी रसरशीत गाजरं, पिवळीधमक लिंबं, ताज्या गवारीच्या-घेवड्याच्या शेंगा, बिनबियांची सुंदर जांभळ्या रंगाची वांगी असं सगळं दिसलं की काय घेऊ आणि काय नको असं होतं.

काल तसंच झालं, भाजीला गेले आणि भरमसाठ भाजी घेऊन आले. घरात आता आम्ही इनमिन तीन माणसं. शर्वरीला अनेक भाज्या आवडत नाहीत. पण भाज्या बघितल्या की मला राहावत नाही. मटार तर तसेच खूप खाल्ले जातात. त्यामुळे मटार आणलेच होते. त्याचबरोबर सोलाणे किंवा ओले हरभरेही आणले होते. सोलाण्यांची आमटी मला फार आवडते. त्यामुळे ती तर करायचीच होती. पण थोडे जास्त होते. रताळीही आणलेली होती. त्यामुळे या सगळ्यातून काय करता येईल असा विचार करत होते.

रताळी आणली की ती मी उकडून ठेवायला सांगते. येताजाता खायला छान लागतात. तशी ती काल उकडून ठेवलेली होती. माझ्या डोक्यात हराभरा कबाब किंवा टिक्की करावं असं आलं. रात्रीच्या जेवणाला हेच करू आणि बरोबर एखादं सूप असं ठरवलं. बाहेर हॉटेलमध्ये आपण जो हराभरा कबाब खातो त्यात पालक असतो पण बरोबर कॉर्नफ्लोर किंवा आरारूट असतं. मला असं काही वापरायचं नव्हतं. शिवाय मी मैदा जवळपास वापरतच नाही. मला ब्रेड किंवा बटाटाही वापरायचा नव्हता. मला स्वतःला खूप मसाले वापरून मूळ पदार्थाची चव मारायला अजिबात आवडत नाही. त्यामुळे मसालाही अगदी कमी वापरलाय.

काल मी भरपूर मटार, थोडे सोलाणे आणि रताळी वापरून हे कबाब केले. अतिशय चवदार झाले होते. आज त्याचीच रेसिपी शेअर करणार आहे.

मटार-सोलाणे-रताळ्याचे कबाब

साहित्य – ३ वाट्या ताजे कोवळे मटार, १ वाटी ताजे कोवळे सोलाणे, ३-४ रताळी उकडून किसलेली, ५-६ लसूण पाकळ्या-५-६ कमी तिखट हिरव्या मिरच्या-१ जुडी कोथिंबीर यांचं वाटण, १ टेबलस्पून तीळ, १ टीस्पून तिखट, पाव टीस्पून हळद, मीठ चवीनुसार, परतण्यासाठी १ टीस्पून तेल, थोडं तेल शॅलो फ्राय करण्यासाठी

कृती –

१) एका कढईत १ टीस्पून तेल गरम करा. त्यात मटार आणि सोलाणे घाला. हलवून झाकण ठेवा आणि ५ मिनिटं वाफवून घ्या.

२) नंतर हे दाणे थंड होऊ द्या. थंड झाल्यावर मिक्सरमधून अगदी हलकेच फिरवून घ्या. मिश्रण जाडंभरडं राहायला हवं, पेस्ट करायची नाहीये.

३) एका टोपल्यात हे मिश्रण, रताळ्याचा कीस, लसूण-मिरची-कोथिंबिरीचं वाटण, तिखट-मीठ-हळद आणि तीळ घाला.

IMG_20180109_161445

४) हे मिश्रण छान मळून घ्या. रताळ्यामुळे उत्तम बाइंडिंग होतं.

५) नंतर हातावर थापून लहान लहान गोल टिक्क्या किंवा कबाब करा.

६) नॉनस्टिक पॅनमध्ये तेल घालून मंद आचेवर खमंग लाल होऊ द्या.  चटपटीत पुदिना चटणीबरोबर खा.

IMG_20180109_161954

इतक्या साहित्यात ४ लोकांसाठी कबाब होतात. साधारण लहान आकाराचे ३० कबाब होतील.

पुदिना चटणी – जितका पुदिना तितकीच कोथिंबीर घ्या. त्यात आवडीनुसार हिरव्या मिरच्या घाला. मीठ आणि लिंबाचा रस घालून मिक्सरमधून बारीक वाटा.

मी काल या कबाबांबरोबर क्रीम ऑफ टोमॅटो सूप केलं होतं. कबाब-चटणी आणि सूप हे उत्तम जेवण झालं. अजून पोटभरीचं करायचं असेल तर ब्रेडच्या स्लाइसला थोडं लोणी लावून खमंग भाजा. दोन स्लाइसमध्ये हे कबाब आणि कांद्याच्या रिंग्ज घाला. पुदिना चटणीबरोबर खा. उत्तम लागेल.

#साधेपदार्थ #सोपेपदार्थ #हेल्दीखाहेल्दीराहा #हेल्थइजवेल्थ #अन्नहेचपूर्णब्रह्म #मुंबईमसाला #healthiswealth #healthyliving #healthyeating #simplerecipe #healthyrecipe #mumbaimasala

सोशल नेटवर्कवर ही पोस्ट शेअर करताना या ब्लॉगचा जरूर उल्लेख करा.

सायली राजाध्यक्ष

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s